Persónuvernd
Persónuverndarstefna
Síðast uppfært: 11. ágúst 2026
Hvaða upplýsingum er safnað
Netstofan safnar aðeins þeim upplýsingum sem þú sendir sjálf/ur í gegnum fyrirspurnarform eða með því að hafa samband: nafni, fyrirtæki (ef gefið upp), netfangi, símanúmeri (ef gefið upp), þjónustuflokki og efni skilaboðanna. Einnig valkvæðum upplýsingum sem þú velur að gefa upp, svo sem leið, tímaramma, fjárhagsramma og hvar þú heyrðir af okkur.
Með fyrirspurninni fylgja jafnframt upplýsingar um uppruna heimsóknarinnar: á hvaða síðu þú komst fyrst inn á vefinn og, ef til staðar, herferðarmerkingar í slóðinni (utm-gildi, fbclid eða gclid). Þær eru notaðar til að skilja hvaða markaðsleiðir skila fyrirspurnum.
Í hvaða tilgangi eru upplýsingarnar notaðar
Upplýsingarnar eru notaðar til að svara fyrirspurnum, veita ráðgjöf, gera tilboð og sinna verkefnum sem samið er um. Þær eru ekki notaðar í markaðssetningu án samþykkis.
Heimild til vinnslu
Vinnslan byggir á samþykki þínu þegar þú sendir fyrirspurn og á lögmætum hagsmunum af því að svara erindum og undirbúa samningsgerð.
Miðlun til þriðja aðila
Netstofan selur ekki persónuupplýsingar og miðlar þeim ekki til þriðja aðila nema það sé nauðsynlegt til að veita umbeðna þjónustu eða skylt samkvæmt lögum.
- Google Analytics 4 (Google Ireland Ltd.) – mæling á heimsóknum og árangri, aðeins eftir samþykki
- Meta Pixel (Meta Platforms Ireland Ltd.) – mæling á árangri auglýsinga á Facebook og Instagram (síðuflettingar, fyrirspurnir og smellir á síma/netfang), aðeins eftir samþykki
Varðveislutími
Upplýsingar eru varðveittar á meðan þær eru nauðsynlegar vegna samskipta og verkefna, og ekki lengur en þörf krefur eða lög kveða á um.
Vafrakökur og mælingar
Vefurinn notar aðeins nauðsynlega vafrageymslu til að muna val þitt um vafrakökur og uppruna heimsóknar innan sömu lotu (sessionStorage), svo hann fylgi fyrirspurn.
Ef þú samþykkir mælingar kann vefurinn að nota Google Analytics 4 (Google) til að mæla heimsóknir og Meta Pixel (Meta) til að mæla árangur auglýsinga á Facebook og Instagram. Þessar mælingar eru aldrei virkjaðar nema þú samþykkir þær, og Google Consent Mode er sjálfgefið stillt á „hafnað“.
Þú getur breytt vali þínu hvenær sem er með hlekknum „Vafrakökustillingar“ neðst á síðunni.
Réttindi þín
Þú átt rétt á að fá aðgang að þeim persónuupplýsingum sem Netstofan vinnur um þig, fá þær leiðréttar eða þeim eytt, andmæla vinnslu og afturkalla samþykki. Þú getur einnig beint kvörtun til Persónuverndar.
Öryggi
Fyrirspurnir eru sendar um dulkóðaða tengingu og geymdar í aðgangsstýrðum gagnagrunni sem aðeins Netstofan hefur aðgang að.
Samband
Fyrirspurnir um persónuvernd má senda á netstofan@netstofan.is eða í síma 787 9050.